قـصـيـ ـة رائــعهـ .؟

قـصـيـ ـة رائــعهـ .؟

خذني بعيد هناك يكفـي ضغوطـات=هنا أزدحام بشكـل ملفـت وبـادي
تكتل أستخفـاف لعبـة عصابـات=وش عاد باقي ياالزمـان الرمـادي
تفكير حرق أعصاب أسهم عقارات=تخبـط أستنـزاف نكسـه تمـادي
تجار ماترحم جشع حصد صفقـات=موت القلوب بشكل شبه أعتيـادي
أحلام تسلب ظلم في عالـم أمـوات=تهميش دون أنصاف ضايع وغادي
نت بشكل سلبي جنـون أتصـالات=تعنصـرِ مابيـن نـادي ونــادي
نحتاج نقلع دون حجـز ومطـارات=مـن دون بوابـه وطاقـم قيـادي
أنسى جمارك وأنتظـار وجـوازات=مايستحق الوضع حشـد أقتصـادي
أحيـان حبـك يستفـز القناعـات=لاشك بعض أحيان رايـق وهـادي
حاول تحفزنـي بخلـق المساحـات=لاتعتقد حبيت لي شخـص عـادي
جدد من الروتيـن بـس أختناقـات=تقـدر تنفسنـي حنيـن ومبـادي
العمـر لحظـه لاتقلـب ملـفـات=فأجنـي بتجديـد حـرك كـسـادي
وجه الغلا بضيافتـك فيـه كدمـات=حاديه من هـول المقاديـر حـادي
لمسة كفوفك غير تفتـح مسامـات=وجه الغلا يهديك نرجـس وكـادي
ماني بناقص هـم يكفـي متاهـات=خذني بعيد بصمت شبـك الأيـادي
أشغـل مفاهيمـي وجـدد ثقافـات=حاول تكون أنسـان فعـلاَ ريـادي
حث المسير بعزم يقطـع مسافـات=ناقـش وفنّـد حجتـي واستنـادي
أترك فضولك يستبيـح القـرارات=أشطب من القاموس حسب أعتقادي
حرك ركـودي بعثـره واتجاهـات=أكسب من الفوضى حضوري وزادي
علمني أضما الشوق عبر أحتمالات=بلل عروق الوصل بعـد أجتـلادي
العمـر رحلـه والأمانـي محطـات=غـلاك عـدِه والمشاعـر عتـادي
خذني بعيد هناك يكفـي ضغوطـات=هنا أزدحام بشكـل ملفـت وبـادي